|
|
||
|
La Baronessa di Carini Dedicata a tutti i Siciliani nel mondo
rivista da Alfio Santanocita |
||
 |
||
|
Na notti du quattru dicembri millicinqucentusissantatri na li paraggi du golfu di Castellammari na mpaisi chiamatu Carini c'eranu dui amanti sulitari ca sfidavanu lu distinu pi l'amuri. Nobili di casatu e di communi discinnenza s'avaunu datu alla passioni cu tanta foga e tanta licenza. St'amuri forti ie scilliratu ao statu ddi monacu saputu.
Pi la liggi di la morali ie pi lu Signuri u monacu pinsau di iessiri curitturi; A lu patri di la fimmina, baruni e omu d'anuri lu monacu rivilau l'adulteriu di giovani piccaturi. Ie comu a la vampa a tristi verita o baruni a raggia sbamba! U focu ao statu attizzatu dopu ca u cori ao statu spizzatu. Lu patri subitu li omini cumanna! "Intra la notti a Carini s'arrivari! Cu sangu sa lavari sta cunnanna"! Ordina a l'omini ca fighia e u tradituri s'anommazzari.
Sauta supra u cavaddu comu mpazzu nferuciutu cu l'occhi di focu e niuru na facci divintatu. Fora di li mura di Palermu si dirigi non pinsannu o sangu di la fighia o alla liggi. Scurri nta li vini u sangu nfettu e comu lu focu mboscu abbrucia avvampunu lu corpu li vini intra lu pettu.
Nenti lu po firmari ora stu signuri non cié pità pi la so carni ma cianci lu so cori: "Chi facisti fighia mia, comu non ti potti firmari, a li to figghi non ci vulisti pinsari! A to patri non ci pinsasti ma curnutu comu lu cervu lu facisti?" Volunu ntantu pi li strati li cavaleri tristi nsettunu la strata tra lu scuru e li fraschi e mentri lu ionnu s'accumincia a ddummari li amanti sunu intra senza timuri a suspirari. S'avvicinanu no mentri a lu casteddu li cavaddi ncacciaturi vidi la foga e li cuteddi pensa ca na sta matina sangu s'agghittari forsi silvaggina o uoccadunu a moriri!
Ntantu a barunissa affacciata a la finestra stanca d'amuri vadda mpocu l'amanti cu idda piccaturi nta lu lettu stancu di piaciri, dormi mpocu incuscienti lu so amuri. Anamminzata di luntanu senti lu gruppu di cavaleri cu li armi lucenti lu scrusciu comu campani a festa pari ma li omini cu foga avanzunu ie cu fururi; a barunissa u patri tra li omini viri.
"Signuri Patri chi vinistu a fari? Signura figghia vi vinni ammazzari" "E comu dici st'amari palori, tira la spata e ci scassa u cori lu primu corpu la donna cadiu l'appressu corpu la donna muriu lu primu corpu l'appi ntra li rini l'appressu cci spaccau curuzzu e vini". Chianci Palermu, chianci Siracusa a Carini cce luttu a ogni casa. Chista e na storia d'omini d'anuri li foristeri e li santi non ponnu capiri! Chianci Palermu, chianci Carini tra omini e fimmini ci su sempri rimini pi na fimmina si po peddiri a testa ma chista ie storia, non ci pinsari chiu, basta! |
